Vastelaovend 2020-2021

Allerleefste Kuuskes en Kuus, Vastelaovend vierend Kepèl,

Nao ut al ieder aaflasse van A-Kepella hebbe wae as Kuus oeht Kepèl manjig 28 September same mèt Gemeente Peel en Maas, Stichting Cultureel Erfgoed Peel en Maas en alle vastelaovesvereinigingen van Peel en Maas gezamenlik beslote um alle activiteite van ut komende seizoen neet door te loate gaon.

Mèt pien in ôs vastelaoveshert zien wae tot dit besloet same gekome, helaas zeen wae op dit moment gin meugelikhede um de vastelaovend te vieren zoeas ut gevierd mot waere.Wae wille heij mèt veurkome dèt ut virus zich tiedes de vastelaovend op ein van os activiteite verspreidt.Wel gaon wae kieke veur alternatieve um ut Vastelaovesgeveul tiedes de vastelaovend in Kepèl te bringe. En moog de situatie rônk um COVID-19 verangere zulle wae  kieke of ut meugelik is um toch activiteite te organiseren. Mèt de vastelaovesvereinigingen in Peel & Maas blieve wae in contact um te kieke wat kin.

Dèt de vastelaovend 2021 angers wurd dan normaal  steit vast, mèr de vastelaovend 2022 wurd wer wie vanouds en nag sjieker !

Allerleefste Kuuskes en Kuus, vastelaovend vierend Kepèl, vastelaovesvereinigingen Peel & Maas en vastelaovend verend Peel & Maas:

De vastelaovend blieft bestaon, BLIEF GEZÔNK !